Gjendet një trup i pajetë në lumin Drini, dyshohet të jetë i gruas që u hodh nga ‘Ura e Fshajtë’ në G…

Një trup i pajetë është gjetur sot në lumin Drini në fshatin Krajk të Prizrenit sot rreth orës 15:40, raporton Gazeta Sinjali.

Rastin e ka konfirmuar për Gazetën Sinjali togeri i Policisë së Kosovës në Prizren, Shaqir Bytyqi, i cili tha se trupi është gjetur nga peshkatarët që ndodheshin për peshkim atje, teksa njofton se viktima nuk është identifikuar ende.

“Rreth orës 15:40 Policia ka marrë informatë se se në lumin Dri në fshatin Krajk dyshohet se është gjetë një trup i pajetë. Patrolla policore ka shku menjëherë në vendin e ngjarjes edhe ka konstatu se në lum është gjetë një trup njeriu, dyshohet që të jetë femër, kufomë. Kufoma është gjetë nga peshkatarët që kanë qenë duke peshku aty. Momentalisht të gjitha njësitë policore janë në vendin e ngjarjes. Për momentin nuk është bë identifikimi i kufomës ende”, tha Bytyqi.

Sinjali mëson se viktima dyshohet të jetë Arjeta Celina Makasqi, e cila dyshohet se u hodh javë më parë nga “Ura e Fshajtë në Gjakovë”.

Sinjali do të iu mbajë të informuar me detajet e reja lidhur me rastin.

Be the first to comment

Leave a Reply

Your email address will not be published.


*