Tensionet Kosovë-Serbi, Lajçak: Marrëveshja e Ohrit moment historik, por zgjedhjet në Veri ishin ‘mina tokësore’ në të cilat shkelëm

I dërguari i posaçëm i Bashkimit Evropian për normalizimin e marrëdhënieve Kosovë-Serbi, Mirosalav Lajçak ka thënë se marrëveshja e marsit në Ohër ishte një moment historik për zbutje e tensioneve mes dy vendeve.

Në një intervistë për gazetën austriake “Kurier”, Lajçak deklaroi se rrugës ka pengesa, duke përmendur kështu edhe zgjedhjet e prillit, zgjedhje këto që u mbajtën në katër komuna me  shumicë serbe.

“Marrëveshja e marsit është një moment historik në normalizimin e marrëdhënieve ndërmjet Serbisë dhe Kosovës. Ne e dimë saktësisht se çfarë duhet bërë. Por ka shumë “mina tokësore” përgjatë kësaj rruge që ne nuk duhet të shkelim. Zgjedhjet lokale të prillit ishin një dhe për fat të keq ne i kemi shkelur ato”, tha ai.

Më tutje, Lakçak tha se aktualisht fokusi i BE-së është tek menaxhimi i krizës e jo tek normalizimi. “Aktualisht fokusi ynë nuk është te normalizimi, por te menaxhimi i krizës”, shtoi më tej i dërguari i posaçëm i BE-së.

Be the first to comment

Leave a Reply

Your email address will not be published.


*